HK Headline.com
如入無人之境 朱玲玲葉蒨文即席試妝
2012年4月18日
試完一輪，大家都表現得好興奮，還有講有笑。 |
之後朱玲玲用手試唇膏，搽完後急不及待抹乾淨。 |
朱玲玲試潤手霜時，葉蒨文笑笑口在旁等候。 |
葉蒨文為試真?，將唇膏搽上嘴，然後照鏡。 |
最後決定一併買下，並到櫃台畀錢。 |
朱玲玲和好友葉蒨文（莎莉）老友鬼鬼，早前趁放假到銅鑼灣Shopping。二人雖是公眾人物，但講到買護膚和化妝用品，梗係要試清楚先買，兩人由試潤手霜開始，之後莎莉試唇膏，櫃台的店員則幫朱玲玲試眼影。即使有途人眼望望，她們都置之不理，一於做個精明的消費者。採訪：徐錦池
近年朱玲玲和莎莉雖變得低調，但身為最美麗的港姐和樂壇天后，大家又是五十出頭，平時出街唔打扮?又點得，所以早前二人相約到連卡佛的化妝品櫃台掃貨。
由於雙手可出賣女性的年齡，她們一入內，先試潤手霜。只見朱玲玲試完又試，而莎莉就在旁耐心地等候。之後二人想試唇膏，朱玲玲較含蓄，只掃上手睇?個色?唔?自己；但莎莉則豪邁得多，即席搽上嘴唇看看。朱玲玲連眼影都唔放過，更有店員為她掃上眼試色，好似唔多?生喎。其間二人互相交換意見，只見兩女在鏡前左照右照，似乎都幾滿意，結果全部買晒。原本她們都意猶未盡，想繼續行街，但因有店員向她們通水，表示有記者在拍照，於是安排她們從秘道離開。